JUNE's profileJUNE 的分享空間PhotosBlogListsMore  |  Tools Help |
JUNE 的分享空間July 12 珍惜眼前人今天o既心情真係大起大跌, 晏晝同客食飯知道佢地因為公司要搬到深圳而會遣散唔撈,真係有d唔捨得,但餐飯食得好開心..有講有笑  夜晚去左florence 喪禮,雖然有心理準備而且心情巳經平靜了,但原來當見到張相時,真係忍唔住, cathy雖然你之前都識安慰我,叫我要面對同接受現實, 但你頭先都好激動, 我都明白佢走左對佢黎講係一種解脫,但頭先腦海想起同佢一齊傾計一齊食飯種種片段,眼淚不停就湧出來,真係控制唔到架, 我知道啦..我會珍惜身邊每一個人,包括你在內 ,依家落緊好大雨.. 好似倒水咁, 令到個人特別感觸... 不過頭先餐飯食得好開心,可能大家都好耐無見,,好似將唔開心o既野拋諸腦後咁..希望我地每個人個個都過得開開心心啦...June 28 人生就是這樣尋晚聽到個不幸消息..最唔想發生的事,終於發生, o係這一年裹面, 計埋尋晚o個個巳經係第四個識嘰朋友離去,有兩個重係曾經好錫我對我好好的朋友, 今日基哥問我,你唔開心呀???之後佢講:生就是這樣!!!!聽到呢句,個心好酸,無錯人生就是這樣..往往人越大,就要經歷生離死必, 雖然經歷左好多巳經學懂睇開 D, 但一旦發生,這一刻都很難接受同難過... Florence [個病令你受了咁多苦,現在總算係一種解脫, 希望你可以早日投胎做人, 我亦會繼續走我嘰路,你安息吧!!!]December 27 每年聖誕都想起你數數下,你巳經離開了我地三年了,當時真的擔心你選擇係聖誕節離開,唔知係好事定係壞事,你係想你唔係度嘰時候,我地一定有時間陪佢??定係好自私地想每年聖誕都諗起你???無錯,你做到了,每當我地好開心迎接聖誕時,又會好唔開心地想起是你死忌,本來每年拜你嘰時候,變左係我地聚會嘰時候,但可能因為隨住時間嘰改變,續漸開始小人黎探你,直到今年都約唔齊人,唯有等我同亞芳星期六才得閒探你啦,希望你唔好嬲我地,始終各自各忙...而佢..我唔知佢有無去拜你,因為我巳經沒有同佢聯絡,佢巳經有佢自己家庭,估唔到短短三年,本來係你未婚妻,現在巳經變為人地媽咪...感情真的可以時間沖淡一切,可以改變好多種種事情...而依家對佢黎講,個仔同老公係最重要,而且重要過我同佢之間嘰友情...算啦..其實依家我都無嬲佢,只係有時好心淡啫,但有時都會想起我地四個開心嘰時候...雖然依家同佢無計傾,但我都祝佢幸福快樂!!! August 16 身體康復我好返了.....
 不經不覺巳經過了個半月,這一個月真的是我人生中最慘痛的經歷,不過我都承受得住,因為有了我的屋企人和朋友,真的很多謝佢地在這個月的照顧和關懷,如果無左佢地,我都唔知點算好....記得做手術當日很早,我唔想佢地咁辛苦一早就要黎醫院,所以只有我一個人進入手術室,本來有點孤單和恐懼,但我同自己講要堅強一點,好快會無事,好彩當日好旺場,竟然重有二個人同我一齊堆入手術室,雖然我唔認識她們,但感覺好像有人陪一樣,所以孤單和恐懼巳經消失得無影無蹤了。真係好笑,入到手術室,我看到這裡地方很簡潔,心想....唔係嘛,話曬都係私家醫院,點可能相信....我立即問護士,這裡是否手術室,佢竟然答我係,我即刻好驚,但過了幾分鐘之後,我又推到另一間房,哦......這地方才似一間真正手術室,好像看電視咁,有好大嘰燈,重有好多不同的儀器....之後護士同麻醉師就開始準備幫我麻醉了。明天就要返工重新投入工作,面對完自己身體,再要面對堆積如山的工作,想起真的頭都痛,不過....回想割走了腫瘤,等於割走了一些唔開心的事,所以我會積極面對我的人生..... July 03 戰勝病魔日漸逼近做手術的日子,開始擔心同埋有驚的感覺,之前我叫你地唔駛擔心我,我無事,心情都好好,其實當時我仲未識驚....後日約左見醫生,會詳細傾個手術,這幾晚訓得唔好,尋晚重發左個噩夢,夢見我公公,雖然個夢佢重生存緊,但唔知點解,心靈都有些不安....重有好多零碎嘰晝面,有兇案,有死人,有血腥........可能自己想得太多....我知道唔應該諗太多,你地成日叫我唔好諗,唔駛驚, 做完手術訓醒就無事...我知道喎,但針唔銡到肉你又點知痛,你地知我幾怕痛,咁大個女都未縫過針,想起要打針,要長期將支好長嘰針銡住隻手,諗到呢度我就打曬泠震........  可能上天覺得我條路太平太易行,所以要我受一些苦,令我學懂要珍惜身邊嘰朋友同埋親人..... |
||||
|
|
